پاکستان کی مقبوضہ کشمیر میں سیاسی جماعتوں پر پابندی کی مذمت

اسلا آباد: پاکستان نے مقبوضہ کشمیر میں سیاسی جماعتوں پر پابندی کی مذمت کی ہے۔

ترجمان دفترخارجہ کا کہنا تھا کہ جموں کشمیر مسلم لیگ مسرت عالم گروپ پر پابندی کی مذمت کرتے ہیں، پارٹی کے سربراہ مسرت عالم بٹ 20 سال سے قید ہیں۔

ترجمان دفترخارجہ نے کہا کہ بھارت کی طرف سے یہ کشمیر کی پانچویں جماعت ہے جس پر پابندی عائد کی گئی ہے، سیاسی جماعتوں پر پابندی اور قیادت پر ظلم و جبر انسانی حقوق کی خلاف ورزی ہے۔

یہ بھی پڑھیں: پاکستان کشمیریوں کی ہر فورم پر حمایت جاری رکھے گا: ترجمان دفترخارجہ

ترجمان کا کہنا تھا کہ بھارتی فورسز کئی دہائیوں سے جموں و کشمیر میں عوام پر مظالم میں مصروف ہیں۔