ایک پارٹی کو الیکشن سے باہر کیا گیا تو جمہوریت ڈی ریل ہوگی: بیرسٹر گوہر

راولپنڈی: بیرسٹر گوہر کا کہنا ہے کہ ایک پارٹی کو الیکشن سے باہر کیا گیا تو جمہوریت ڈی ریل ہوگی، کسی صورت الیکشن کا بائیکاٹ نہیں کریں گے۔

چیئرمین پی ٹی آئی بیرسٹر گوہر کا راولپنڈی میں میڈیا سے گفتگو کرتے ہوئے کہنا تھا کہ پی ٹی آئی کے 90 فیصد امیدواروں کے کاغذات نامزدگی مسترد کیے گئے، متعلقہ آر اوز نے درست فیصلے نہیں کیے۔

بیرسٹر گوہر کا کہنا تھا کہ امید ہے 8 فروری کو فری اینڈ فیئر الیکشن ہوں گے، ایک پارٹی کو الیکشن سے باہر کیا گیا تو جمہوریت ڈی ریل ہوگی، اس پراسیس میں سے اگر آپ ٹیکنیکل طریقے سے کسی کو ناک آؤٹ کریں گے تو الیکشن تو ہو جائیں گے لیکن اس کے بعد کیا ہوگا یہ کوئی آپ کو پیش گوئی نہیں کر سکے گا۔

یہ بھی پڑھیں: کسی سے انتخابی نشان واپس لینا مطلب پارٹی ختم کرنا ہے: بیرسٹر گوہر

انہوں نے کہا کہ کسی صورت الیکشن کا بائیکاٹ نہیں کریں گے، ایک شخص تاحیات نا اہل ہے اس کا راستہ روکیں گے۔