انتخابات 2024: جی ڈی اے نے اپنے امیدواروں کے ناموں کا فیصلہ کرلیا

کراچی: انتخابات 2024 کے لیے جی ڈی اے نے اپنے امیدواروں کے ناموں کا فیصلہ کرلیا، آئندہ 24 گھنٹوں میں اپنے امیدواران کا اعلان کیا جائے گا۔

قومی و صوبائی اسمبلی کے امیدواروں میں پیر صدرالدین شاہ راشدی، مرتضیٰ خان جتوئی، پیر محمد راشد شاہ، اسماعیل شاہ راشدی شامل ہوں گے۔

یہ بھی پڑھیں: جی ڈی اے، ن لیگ، جے یو آئی ملکر سیٹ ایڈجسٹمنٹ کریں گے: سعد رفیق

ارباب غلام رحیم، حسنین مرزا، رزاق راہموں، رفیق بھابھبن، ایاز لطیف پلیجو، زین شاہ، عرفان اللہ مروت کو بھی ٹکٹ جاری کیے جائیں گے۔

ڈاکٹر فہمیدا مرزا اور ذوالفقار مرزا کو ٹکٹس ٹریبونل کے فیصلے سے مشروط جاری کیا جائے گا۔