رات 9 بجے کے بعد بچہ سڑک پر بھیک مانگتے ہوئے نظر نہیں آنا چاہیئے: پشاور ہائیکورٹ

پشاور: پشاور ہائیکورٹ کے چیف جسٹس نے حکم دیا ہے کہ رات 9 بجے کے بعد بچہ سڑک پر بھیک مانگتے ہوئے نظر نہیں آنا چاہیئے۔

پشاور ہائیکورٹ میں بچوں کے بھیک مانگنے کے کیس کی سماعت ہوئی، اسسٹنٹ کمشنر اور زمونگ کوور کے نمائندے عدالت میں پیش ہوئے۔

چیف جسٹس پشاور ہائیکورٹ نے کہا روزی کمانے کا بھی ایک وقت ہوتا ہے، اس مسئلے کو ٹھیک نہیں کیا تو ڈپٹی کمشنر اور کمشنر کو بلاتا ہوں، رات کو ایک بجے بچہ پھول بھیچ رہا ہو تو کیا یہ ٹھیک ہے؟، ماں ساتھ ہو تو ساری رات بھیک مانگے،

یہ بھی پڑھیں: سعودی عرب ، بھیک مانگنے پر 2 پاکستانی اور 2 سوڈانی گرفتار

چیف جسٹس نے ریمارکس دیے کہ 9 بجے کے بعد بچہ سڑک پر بھیک مانگتے ہوئے نظر نہیں آنا چاہیئے، اس معاملے پر وزیر اعلیٰ کو بھی طلب کریں گے۔

عدالت نے 2 فروری تک بھیک مانگنے کے کیس کی سماعت ملتوی کردی۔