رہنما پی ٹی آئی حماد اظہر کے والد کو گرفتار کرلیا گیا

لاہور: پاکستان تحریک انصاف (پی ٹی آئی) کے رہنما حماد اظہر کے والد اور سابق گورنر پنجاب میاں اظہر کو گرفتار کرلیا گیا ہے۔

حماد اظہر نے ایکس (سابقہ ٹوئٹر) پر جاری ایک بیان میں کہا کہ بزدل لاڈلے، خوفزدہ حکومت کے حکم پر میرے والد کو گرفتار کرلیا گیا ہے۔

انہوں نے کہا کہ 82 سالہ میاں اظہر کو این اے 129 میں ریلی نکالنے پر گرفتار کیا گیا ہے۔

ان کا کہنا تھا کہ این اے 129 کے کارکن اپنے اپنے مقام سے ریلیاں نکالیں۔

میرے والد کو پولیس نے گرفتار کر لیا۔ نوازشریف کوئی شرم کرو۔ https://t.co/qimESHTiac pic.twitter.com/JHy1mdBRkN

— Hammad Azhar (@Hammad_Azhar) January 28, 2024

حماد اظہر کے والد میاں اظہر قومی اسمبلی کے حلقے این اے 129 سے پی ٹی آئی کے امیدوار ہیں۔

یہ بھی پڑھیں: گرفتاری کے باوجود اپنے اصولوں پر کھڑا ہوں: شیخ رشید

خیال رہے کہ بانی پی ٹی آئی عمران خان نے آج امیدواروں کو انتخابی ریلیاں نکالنے کی ہدایات جاری کر رکھی ہیں۔