سب رجسٹرار کی بھرتی کا عمل اب سندھ پبلک سروس کمیشن کے تحت ہوگا: نگراں وزیراعلیٰ سندھ

کراچی : نگراں وزیراعلیٰ سندھ جسٹس (ر) مقبول باقر کا کہنا ہے کہ سب رجسٹرار کی بھرتی کا عمل اب سندھ پبلک سروس کمیشن کے تحت ہوگا۔

جسٹس (ر) مقبول باقر کا کہنا تھا کہ سب رجسٹرار کی آسامی گریڈ 15 کی ہے، یہ اہم پوسٹ ہے، سب رجسٹرار کو کمیشن کے ذریعے بھرتی کرنے سے اداروں میں بہتری آئے گی۔

یہ بھی پڑھیں: بلاول بھٹوکر اچی کی قسمت بدلنے سے پہلے گٹر کے ڈھکن تو لگوادیں: گورنر سندھ

ان کا کہنا تھا کہ سب رجسٹرار ملکیت کی رجسٹری کرتا ہے، کرپشن کا خاتمہ تب ہی ممکن ہے جب بھرتیاں میرٹ پر ہوں۔

انہوں نے کہا کہ سندھ حکومت نے محکمہ ریونیو کو عوام کی سہولت کے لیے ڈیجیٹل کردیا ہے، محکمہ ریونیو میں اصلاحات متعارف کرائی جارہی ہیں جس سے کرپشن کا خاتمہ ہوگا۔