دیپیکا پڈوکون نے ننھے مہمان کی آمد کی تصدیق کردی

عالمی شہرت یافتہ بھارتی اداکارہ دیپیکا پڈوکون نے اپنے خاندان میں جلد ننھے مہمان کی آمد کی تصدیق کر دی۔

گزشتہ کئی دنوں سے سوشل میڈیا پر دیپیکا پڈوکون کے ماں بننے کی خبریں سرگرم تھیں تاہم اب اداکارہ نے بذاتِ خود اس کی تصدیق کر دی ہے۔

دیپیکا پڈوکون نے اپنے آفیشل انسٹاگرام اکاؤنٹ پر پوسٹ شیئر کرتے ہوئے اعلان کیا ہے کہ وہ ماں بننے والی ہیں اور ان کے ہاں رواں سال ستمبر میں بچے کی پیدائش متوقع ہے۔

 

View this post on Instagram

 

A post shared by दीपिका पादुकोण (@deepikapadukone)

اداکارہ کی جانب سے کئے گئے اس اعلان کے بعد ان کے چاہنے والے انہیں مبارکباد دے رہے ہیں اور نیک تمناؤں کا اظہار کر رہے ہیں۔

دیپیکا اور رنویر سنگھ کے ساتھی فنکاروں کی جانب سے انہیں مبارکباد دینے کا سلسلہ جاری ہے۔

یاد رہے کہ مشہور اداکارہ دیپیکا پڈوکون اور رنویر سنگھ 2018 میں شادی کے بندھن میں بندھے تھے، بالی ووڈ کے اس خوبصورت جوڑے کے ہاں شادی کے 6 سال بعد خوشخبری آئی ہے۔