شادی کی رات سُسرال میں قدم رکھتے ہی دُلہن چل بسیں

قائرہ: شادی کی رات مصری دُلہن مہکے سے رخصت ہو کر سسرال پہنچتے ہی ہارٹ اٹیک کی وجہ سے دُنیا سے رُخصت ہو گئیں۔

العربیہ نیوز کے مطابق یہ افسوسناک واقعہ مصر میں پیش آیا جہاں شادی کا گھر اس وقت ماتم میں بدل گیا جہاں دلہن شادی کے بعد رخصت ہوکر جیسے ہی سسرال پہنچی تو اچانک انتقال کر گئیں۔

مزید پڑھیں: آپ کو ووٹ دیا، اب مجھے دلہن تلاش کرکے دیں

رپورٹ کے مطابق دُلہن رخصت ہوکر جیسے ہی اپنے سسرال پہنچی اور شوہر کے ہمراہ گھر میں داخل ہوئی تو اس کے سینے میں اچانک شدید درد اٹھا اور وہ بغیر کچھ بولے زمین پر گر گئی

میڈیا رپورٹ کے مطابق مصر کے جنوب مغربی علاقے الفیوم میں شادی کے بعد دلہن کے اس کے رشتے داروں نے نیک خواہشات اور خوشی کے آنسوؤں کے ساتھ دلہا کے ہمراہ رخصت کیا لیکن وہ یہ نہیں جانتے تھے کہ وہ دلہن کو اپنے گھر سے نہیں بلکہ دنیا سے رخصت ہوجائیں گی۔