قومی کرکٹرز کے سینٹرل کنٹریکٹ کا اعلان

لاہور: پاکستان کرکٹ بورڈ (پی سی بی) کی جانب سے قومی کرکٹرز کے سینٹرل کنٹریکٹ کا اعلان کر دیا گیا۔

جی ٹی وی نیوز کے مطابق پاکستان کرکٹ بورڈ نے سینٹرل کنٹریکٹ جاری کرتے ہوئے سابق کپتان بابراعظم،محمد رضوان اے کیٹگری میں شامل کیا ہے جب کہ شاہین آفریدی،نسیم شاہ سینٹرل کنٹریکٹ بی کیٹگری میں شامل کیا گیا ہے۔

پی سی بی کی جانب سے ریڈ بال کپتان شان مسعود کو بھی کیٹگری بی میں شامل  کیا گیا ہے جب کہ ساجد خان اور نعمان علی بھی سینٹرل کنٹریکٹ میں شامل کیا گیا ہے سینٹرل کنٹریکٹ کے مطابق شاداب خان ، عب اللہ شفیق ، سلمان آغا، سعود شکیل سی کیٹگری میں شامل ہیں۔

مزید پڑھیں:پی سی بی کا سلیکشن کمیٹی سے متعلق بڑا فیصلہ

کنٹریکٹ کے مطابق حارث رؤف اور صائم ایوب کو بھی سی کیٹگری میں شامل کیاگیا ہے جب کہ کیٹگری ڈی میں عامرجمال،وسیم جونیئر ،میر حمزہ،خرم شہزاد،محمدعلی شامل ہیں۔

کنٹریکٹ میں مزید بتایا گیا ہے کہ عثمان خان،عرفان خان،حسیب اللہ،عباس آفریدی ،کامران غلام کیٹگری ڈی میں شامل ہیں۔