پاکستانی ٹیم کے ہیڈ کوچ گیری کرسٹن عہدے سے مستعفی

پاکستان کرکٹ ٹیم کے ہیڈ کوچ گیری کرسٹن نے اپنے عہدے سے استعفیٰ دے دیا ہے۔

گیری کرسٹن کو پی سی بی نے اپریل 2024 میں دو سال کے کنٹریکٹ پر مقرر کیا تھا اور وہ اس عہدے پر بمشکل چھ ماہ ہی رہ سکے تھے۔

ای ایس پی این کرک انفو کے مطابق گیری کرسٹن کے عہدے سے مستعفی ہونے کے سلسلے میں حتمی بیان جلد جاری کیا جائے گا۔

پاکستان کرکٹ بورڈ (پی سی بی) کی جانب سے سلیکشن کے اختیارات ختم کرنے کے فیصلے کے بعد سے پاکستان کے نئے کوچز گیری کرسٹن اور جیسن گلیسپی کے پی سی سے اختلافات پیدا ہو گئے تھے۔

جیسن گلیسپی نے انگلینڈ کے خلاف راولپنڈی میں تیسرے ٹیسٹ سے قبل ہونے والے واقعات پر اپنی حیرت کو چھپانے کی بہت کم کوشش کی تھی اور کہا تھا کہ وہ اب صرف ‘میچ ڈے تجزیہ کار’ ہیں اور ‘یہ فیصلہ وہ نہیں تھا جس کے لیے انہوں نے معاہدہ کیا تھا۔’

یہ بھی پڑھیں: 

ہیڈ کوچ گیری گرسٹن اور پی سی بی آمنے سامنے آگئے

قومی کرکٹ ٹیم کے اہم کھلاڑی کا ریٹائرمنٹ پر غور

گیری کرسٹن نے کوئی عوامی بیان نہیں دیا، لیکن سمجھا جاتا ہے کہ وہ اس پیش رفت سے مایوس ہیں۔

کرک انفو کے مطابق دورہ آسٹریلیا اور زمبابوے کے لیے قومی کرکٹ اسکواڈ کے اعلان میں تاخیر کا ایک حصہ اور وائٹ بال کے نئے کپتان کی وجہ سے بورڈ کے اندر متحرک بحث ہوئی تھی۔

لاہور میں پریس کانفرنس کرتے ہوئے جب نئے کپتان محمد رضوان کا اعلان کیا گیا تو چیئرمین محسن نقوی کے ساتھ صرف نئی سلیکشن کمیٹی کے رکن عاقب جاوید اور نئے کپتان اور نائب کپتان سلمان آغا موجود تھے۔ کرسٹن اس وقت ملک میں بھی نہیں تھے۔