اجے دیوگن کا بینائی سے محروم ہونے کا انکشاف

بالی ووڈ ایکشن اسٹار اجے دیوگن نے انکشاف کیا ہے کہ فلم کی شوٹنگ کے دوران عارضی طور پر اپنی بینائی کھو بیٹھے تھے۔

بھارتی میڈیا کے مطابق حال ہی میں اجے دیوگن رئیلٹی شو بگ باس میں نظر آئے تھے جہاں میزبان سلمان خان نے انکشاف کیا تھا کہ اجے دیوگن کو فلم سنگھم اگین میں ایک ایکشن سین کی شوٹنگ کے دوران حادثہ پیش آیا تھا۔

سلمان خان نے وضاحت کی کہ غلط وقت پر لڑی جانے والی لڑائی کی وجہ سے لکڑی کا ایک ٹکڑا اجے کی آنکھ سے ٹکرایا جس کے نتیجے میں وہ تقریبا 2 سے 3 ماہ تک بینائی سے محروم رہے۔

مزید پڑھیں:بالی ووڈ اداکارہ تبو کا اجے دیوگن سے متعلق بڑا انکشاف

انہوں نے کہا کہ ایکشن فلموں کی شوٹنگ کے دوران اس طرح کے واقعات غیر معمولی نہیں ہیں حالانکہ آج کے اداکار ان سہولیات سے فائدہ اٹھاتے ہیں جو ماضی میں دستیاب نہیں تھیں۔

دوسری جانب اجے دیوگن نے بتایا کہ سنگھم اگین کی شوٹنگ کے دوران انہیں شدید چوٹیں آئیں، جس کی وجہ سے انہیں آنکھوں کی سرجری کی ضرورت پڑی اور کئی دنوں تک انہیں کافی درد ہوا۔

خیال رہے کہ اداکار اجے دیوگن اب صحت یاب ہوگئے ہیں اور آنے والی فلم میں اپنی صلاحیتوں کا مظاہرہ کرنے کے لئے تیار ہیں۔

 

View this post on Instagram

 

A post shared by shingham again (@singham_again_films)