بھارتی شخص کی پاپ اسٹار ‘سلینا گومز’ سے مذہبی نعرہ لگوانے کی کوشش

جی ٹی وی ویب ڈیسک

01 نومبر, 2024 20:50

بھارتی شخص کی پاپ اسٹار سلینا گومز سے مذہبی نعرہ لگوانے کی کوشش (فوٹو: فائل)

بھارتیوں کا ملک میں مسلمانوں اور عیسائیوں کے بعد ہندو انتہاپسندی کا مذہبی نعرہ لگوانے کا جنون بین الااقوامی سطح تک پہنچ گیا۔

فوٹو اینڈ ویڈیو شیئرنگ ایپ انسٹاگرام پر بھارتی شہری کی جانب سے امریکی پاپ گلوکارہ سیلینا گومز سے ‘جے شری رام’ کا نعرہ لگانے کا مطالبہ کرنے کی ویڈیو وائرل ہورہی ہے جس میں ایسے تنقید کا نشانہ بنایا جارہا ہے۔

تاہم خود ہندو مذہب سے تعلق رکھنے والے بھارتی سوشل میڈیا صارفین نے اس شخص کی یہ حرکت اسے تنقید کا نشانہ بنایا اور اقدام کو شرمناک قرار دیا۔

انسٹاگرام پر وائرل اس ویڈیو میں آدمی، سیلینا گومز سے یہ حیران کن مطالبہ کرنے سے پہلے ان کے ساتھ ایک سیلفی لیتا ہے اور پھر ساتھ ہی کہتا ہے ‘پلیز جے شری رام کہیں’۔

تاہم سیلینا اس کی بات کو سمجھ نہیں پاتیں اور کنفیوز نظر آتی ہیں تو وہ شخص وضاحت کرنے کی کوشش کرتا ہے۔

سیلینا گومز نے اس کے مطالبے کو شائستگی سے مسترد کرتے ہوئے سادہ انداز میں جواب دیا کہ ‘اوہ تھینک یو!’۔

اس ویڈیو کو سب سے پہلے انسٹاگرام صارف پلو پالیوال نے شیئر کیا تھا جس نے سوشل میڈیا پلیٹ فارمز پر تیزی سے توجہ حاصل کی ہے۔

پلو پالیوال نے اس کے کیپشن میں لکھا کہ ‘ہمارے فالوورز میں سے ایک نے سیلینا گومز سے ملاقات کی اور انہوں نے دیوالی کے موقع پر ‘جے شری رام’ کہا، جس پر لوگ انہیں بیوقوف قرار دے رہے ہیں۔