ٹوٹی سڑکوں سے تنگ گلوکار بھی کراچی سڑکوں پر بول اُٹھے

پاکستان شوبز انڈسٹری کے ابھرتے ہوئے گلوکار ثمر عباس جعفری نے کراچی کی ٹوٹی سڑکوں سے تنگ آکر حکومت سے بڑی اپیل کر ڈالی۔

اداکار ثمر جعفری نے اپنی انسٹاگرام اسٹوری میں اپنا دکھڑا بیان کرتے ہوئے ٹریفک جام میں پھنسی ہوئی اپنی گاڑی کی تصویر شیئر اور لکھا کہ ‘اس شہر میں انسانوں کا اِس قدر ہجوم آباد ہے کہ تقسیم ہونے پر آئے تو کراچی خود ایک پورا ملک ہے’۔

انہوں نے لکھا کہ ‘حکومت سے مودبانہ گزارش ہے کہ وہ سڑکیں اب بنا بھی لیں جن پر آپ نجانے کتنے عرصے کام کررہے ہیں’۔

مزید پڑھیں: بھارتی ہوسٹ بھی ‘ہانیہ عامر’ کی محبت میں گرفتار

ثمر جعفری نے وی آئی پی پروٹوکول لینے والوں پر طنز کرتے ہوئے لکھا کہ ‘ہمارے پاس تو کوئی ہیلی کاپٹر، پرائیوٹ جیٹ یا پولیس نہیں ہے کہ وہ ہمیں ٹریفک جام سے بچانے کیلئے ہمارے راستے کلیئر کروادے’۔

آخر میں انہوں نے ایک بار پھر گزارش کی کہ ‘خدارا ہم غریبوں کیلئے سڑکیں بنادیں بس’۔