بشار الاسد کا طیارہ کب اُڑا اور کب ریڈار سے غائب ہوا؟

شام کے صدر بشار الاسد دمشق سے آج صبح سیرین ائیر لائن کے طیارہ الیوشین 2-76 ٹی نے صبح 4 بج کر 50 منٹ پر ٹیک آف کیا تاہم اسکے بعد انکا جہاز ریڈار سے غائب ہوگیا۔

اڑان کے 15 منٹ بعد تک طیارہ عراق کی طرف 21 ہزار فٹ کی بلندی پر چلتا رہا اور اڑان کے 20 منٹ بعد طیارے نے حمص کی طرف رخ کر لیا اور رفتار بھی بڑھا دی۔

صبح 5 بج کر 24 منٹ پر طیارہ حمص شہر کے اوپر سے گزرا اور اُس وقت طیارہ 22 ہزار فٹ کی بلندی پر تھا۔

مزید پڑھیں: شام؛ اسرائیل نے موقع غنیمت جان کر علاقوں پر قبضہ شروع کردیا

صبح 5 بج کر 28 منٹ پر طیارے کا رخ پھر حمص شہر کی طرف ہوگیا تاہم حمص کی طرف دوبارہ آتے ہوئے طیارے کی بلندی 16 ہزار فٹ پر آگئی۔

حمص سے کچھ فاصلے پر طیارہ 1625 فٹ کی بلندی پر ریڈار سے غائب ہوا۔