ڈاکٹر ذاکر نائیک نے 165 فٹ سے چھلانگ لگا دی

معروف اسکالر ڈاکٹر ذاکر نائیک نے یوگنڈا کے شہر جنجا میں 165 فٹ (50 میٹر) کی بلندی سے بنجی جمپ مکمل کرلی۔

غیر ملکی میڈیا کے مطابق معروف مذہبی اسکالر ڈاکٹر ذاکر نائیک نے مشرقی افریقہ کے دارالحکومت جنجا میں دریائے نیل کے کنارے واقع ایک ایڈونچر سائٹ پر حفاظتی آلات اور پیشہ ورانہ نگرانی کے ساتھ اس سرگرمی کو کامیابی سے مکمل کر لیا۔

مزید پڑھیں:کتنے فیصد پاکستانیوں نے ڈاکٹر ذاکر نائیک پر تنقید کی؟ اسکالر نے خود بتادیا

اس منفرد تجربے کو دستاویزی شکل دینے والی تصاویر کی ایک سیریز میں ڈاکٹر ذاکر نائیک کی تیاری، فری فال کے لمحے اور دریائے نیل کے بہنے والے پانی کے اوپر کے مناظر کو دکھایا گیا ہے۔

ڈاکٹر ذاکر نائیک نے اپنے آفیشل فیس بک اکاؤنٹ پر اپنے حالیہ بنجی جمپنگ تجربے کی تصاویر شیئر کیں۔

مشرقی افریقہ کے دارالحکومت ’جنجا‘ کو ایڈونچر کے طور پر جانا جاتا ہے ، جس میں بنجی جمپنگ، وائٹ واٹر رافٹنگ، اور دیگر پانی کے کھیل مشہور سمجھے جاتے ہیں۔