آرمی چیف کل ’گرین پاکستان انیشیٹو‘ کے مختلف پراجکٹس کا دورہ کرینگے

آرمی چیف جنرل سید عاصم منیر اور اہم حکومتی شخصیات کل ’’گرین پاکستان انیشیٹو‘‘ کے مختلف پراجیکٹس کا دورہ کرینگے۔

اسپیشل انویسٹمنٹ فیسلٹیشن کونسل (ایس آئی ایف سی) کے گرین پاکستان انیشیٹو( جی پی آئی) کے تحت 14 فروری کو آرمی چیف اور وفاقی و صوبائی حکام اس دورے کے دوران  جی پی آئی کے تحت جاری  زرعی منصوبوں اور مختلف سہولیات کا جائزہ لیں گے۔

دورے میں جی پی آئی کے ’’اسمارٹ ایگری فارم‘‘،  ’’گرین ایگری مال‘‘ اور ’’تحقیقی سہولت مراکز‘‘  کا افتتاح بھی شامل  ہے۔ اس دوران شرکا کو جی پی آئی کی زرعی ترقی سے متعلق اہم کامیابیوں کے بارے میں  آگاہ  کیا جا ئے گا۔

مزید پڑھیں:آرمی چیف نے نوجوان کو پاکستانیت کے جذبے کو اپنانے کی تلقین کردی

مزید پڑھیں:آرمی چیف کو خط کیوں لکھا؟ بانی پی ٹی آئی کا اہم بیان سامنے آگیا

جی پی آئی کی جانب سےکارپوریٹ فارمنگ میں استعمال ہونے والی زرعی مشینری اور جدید ٹیکنالوجی کی نمائش ہوگی۔ زرعی شعبے کی ترقی و  جدت سے آگاہی کے لیے حکومتی شخصیات کا ماڈل فارمز کے دورے کا بھی اہتمام کیا گیا ہے۔

ملکی معیشت کے استحکام میں  زرعی ترقی کا کردار  اہم ہے اور اس کے لیے  ایس آئی ایف سی اور جی پی آئی کی کاوشیں جاری ہیں

پیرووال اور مظفرگڑھ میں تیار کیے گئے ماڈل فارمز کسانوں کو جدید زرعی تکنیکوں سے روشناس کرائیں گے ۔  آرمی چیف اور وفاقی و صوبائی حکام کے دورے سے جی پی آئی کے زرعی ترقیاتی منصوبوں کو مزید فروغ ملے گا۔