کیا ٹک ٹاک پر پابندی کا تعلق فلسطین نواز مواد سے تھا؟ حقائق سامنے آگئے

امریکی کانگریس کے اندرونی ذرائع نے انکشاف کیا ہے کہ امریکا کی جانب سے سوشل میڈیا ایپلی کیشن ٹک ٹاک پر پابندی عائد کرنے کی بنیادی وجہ چینی دراندازی کے خوف کے بجائے اسرائیل کا امیج ہے۔

میونخ سکیورٹی کانفرنس میں انٹیلی جنس کمیٹی میں شامل ڈیموکریٹک پارٹی سے تعلق رکھنے والے امریکی سینیٹر مارک وارنر نے کہا کہ وہ چین کی ملکیت والی ایپلی کیشن کو محدود کرنے کے لیے حالیہ قانون سازی کے پیچھے کی ‘اصل کہانی’ کا انکشاف کرنا چاہتے ہیں۔

وارنر کے ساتھی پینلسٹ مائیک گیلیگر، جو سابق امریکی کانگریس مین اور موجودہ پالانٹیر ایگزیکٹو ہیں، نے پہلی بار 2023 میں یہ بل پیش کیا تھا اور دعویٰ کیا تھا کہ ٹک ٹاک قومی سلامتی کے لیے خطرہ ہے۔

صحافی کین کلیپنسٹائن کے مطابق یہ معاملہ کئی رپورٹس کے بعد سامنے آیا جن میں اسرائیلی حکام اور لابیسٹ واشنگٹن میں کسی کو بھی بتا سکتے ہیں ٹک ٹاک کے اسرائیل کے بارے میں نوجوان امریکیوں کے عوامی نقطہ نظر پر اثرات مرتب ہوں گے۔

امریکی محکمہ خارجہ کی جانب سے سفارت کاروں کے لیے تیار کیے گئے ایک میمو میں بتایا گیا کہ کس طرح اسرائیلی وزارت خارجہ نے نوجوانوں کی غزہ جنگ کی مخالفت کی وجہ ٹک ٹاک الگورتھم کو قرار دیا تھا۔

میمو میں کہا گیا کہ اسرائیلی عہدیدار روس کے اس دعوے سے متفق نہیں کہ غزہ پر غیر جنگ کے نتیجے میں امریکا اور اسرائیل کی ساکھ کو نقصان پہنچا، اسرائیلی اس حقیقت سے غافل نظر آتے ہیں کہ انہیں نہ صرف خطے میں بلکہ دنیا کے دیگر حصوں میں اپنی ساکھ کو بڑے اور ممکنہ طور پر نسلی نقصان کا سامنا ہے۔

میمو میں مزید کہا گیا ہے کہ اسرائیلی عہدیدار نے کہا کہ نوجوانوں کی رائے عامہ تبدیل ہو رہی ہے کیونکہ ٹک ٹاک الگورتھم فلسطینیوں کے حق میں مواد کی حمایت کرتا ہے۔

متعدد امریکی قانون ساز اور اہم شخصیات اس پلیٹ فارم پر مبینہ طور پر فلسطین نواز مواد کی اہمیت کی وجہ سے ٹک ٹاک پر حملہ کر رہی ہیں، جن میں ریپبلکن سینیٹر اور سابق صدارتی امیدوار مٹ رومنی بھی شامل ہیں۔

ٹک ٹاک پر امریکا میں اس وقت پابندی عائد کی گئی جب اس کے چینی مالک بائٹ ڈانس نے ایپ کے آپریشنز امریکی حکومت کو فروخت کرنے یا 19 فروری کو پابندی کا سامنا کرنے سے انکار کردیا تھا۔

اگرچہ صدر ڈونلڈ ٹرمپ نے عہدہ سنبھالنے کے ایک دن بعد ہی اپنے ڈیموکریٹک پیشرو کی ٹک ٹاک پر عائد پابندی عارضی طور پر واپس لے لی تھی، لیکن ملک میں اس ایپلی کیشن کا مستقبل اور اس کے فلسطین نواز مواد کی حالت ابھی تک غیر واضح ہے۔

جنوری کے اواخر میں جب یہ ایپلی کیشن دوبارہ امریکیوں کے لیے دستیاب ہوئی تو بہت سے صارفین نے نشاندہی کی کہ ‘آزاد فلسطین’ جیسے جملے نفرت انگیز تقاریر کے طور پر پیش کیے جا رہے ہیں۔