اداکار عمر شہزاد نے شادی کرلی

پاکستان شوبز انڈسٹری کے معروف اداکار، ماڈل و گلوکار عمر شہزاد نے شادی کرلی ہے۔

حال ہی میں معروف اداکار عمر شہزاد نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنی شادی کی دو تصاویر شیئر کیں جس میں اُن کو اپنی اہلیہ کے ہمراہ مسجد الحرام میں دیکھا جاسکتا ہے۔

 

View this post on Instagram

 

A post shared by Omer Shahzad (@omer_shahzad)

شیئر کی گئیں تصاویر میں اداکار نے اپنی اہلیہ کا چہرہ نہیں دکھایا جبکہ دونوں نے غلاف کعبہ کو چھونے کی سعادت حاصل کی ہے۔

تصاویر کے کیپشن میں انہوں نے لکھا کہ “اور ہم نے تم کو جوڑا جوڑا پیدا کیا”۔

ان کا کہنا تھا کہ مکہ مکرمہ کے بابرکت آسمانوں تلے ایک نیا آغاز، ہماری زندگی محبت، ایمان اور اللہ کی برکتوں سے بھرپور ہو۔”

عمر شہزاد کی جانب سے شادی کی خوشخبری دینے پر شوبز شخصیات اور مداحوں کی جانب سے مبارکباد دی جارہی ہے۔