ایشوریا رائے کو پلاسٹک کہے جانے کی بالکل حمایت نہیں کرتی، اداکارہ ریکھا

بالی ووڈ فلم انڈسٹری کی معروف و سینئر اداکارہ ریکھا نے کہا ہے کہ میں اداکارہ ایشوریا رائے کو پلاسٹک کہے جانے کی بالکل حمایت نہیں کرتی۔

بھارتی میڈیا رپورٹس کے مطابق ماضی میں اپنے دیے گئے ایک انٹرویو میں معروف و سینئر اداکارہ ریکھا کا کہنا تھا کہ تمام ماڈلز میں مجھے ایشوریا سب سے زیادہ پسند ہیں، میں میڈیا اور لوگوں کی جانب سے انہیں پلاسٹک کہے جانے کی بالکل حمایت نہیں کرتی۔

انہوں نے کہا کہ مجھے لگتا ہے کہ ایشوریا بہت ہی واضح چہرے کے تاثرات دیتی ہیں، اگر مجھے ضرورت پڑی تو میں شیرنی کی طرح ایشوریا کے لیے لڑوں گی اور اس بات کی مخالفت کروں گی۔

ان کا کہنا تھا کہ انڈسٹری میں کوئی بھی ایشوریا کا ثانی نہیں، میرا دل اس کے ساتھ ہے۔

خیال رہے کہ سوشل میڈیا صارفین یہ دعویٰ کرتے نظر آتے ہیں کہ ایشوریا رائے کا حسن قدرتی نہیں بلکہ مصنوعی ہے اور اداکارہ نے پلاسٹک سرجری کروارکھی ہے۔