گووندا کی اہلیہ سے 37 سال بعد طلاق؟ وجہ بھی سامنے آگئی

بالی ووڈ فلم انڈسٹری کے معروف اداکار گووندا کی اہلیہ سے شادی کے 37 سال بعد طلاق کی خبریں سامنے آرہی ہیں۔

بھارتی میڈیا رپورٹس کے مطابق گووندا اور ان کی اہلیہ سنیتا آہوجا کے درمیان مبینہ طور پر طلاق آخری مراحل میں ہے۔

رپورٹ میں بتایا گیا کہ افواہیں ہیں کہ گووندا کا 30 سالہ مراٹھی اداکارہ کے ساتھ مبینہ تعلق ان کی اہلیہ سے علیحدگی کی وجہ میں اہم کردار ہے۔

طلاق واقعی ہورہی ہے یا یہ صرف ایک افواہ ہے، اس حوالے سے دونوں شخصیات نے تصدیق یا تردید نہیں کی۔

واضح رہے کہ گووندا اور سنیتا کا ایک بیٹا اور ایک بیٹی ہے۔