ایران سے تجارتی تعلقات میں توسیع، اقتصادی ترقی کے لیے ایک نیا باب

ایس آئی ایف سی کی معاونت کے باعث ملک کے کاروباری ماحول میں نمایاں بہتری، تجارت کی نئی  راہیں ہموار ہوگئیں۔

ایس آئی ایف سی کے تعاون سے پاکستان اور ایران کے تجارتی تعلقات مزید مستحکم کرنے کی کوششیں جاری ہیں۔

ایران کی جانب سے پاکستان کی کاروباری ویزا فیس میں کمی اور تجارت کے لیے سہولیات فراہم کرنے کی یقین دہانی کی گئی ہے۔

"فیڈریشن آف پاکستان چیمبرز آف کامرس اینڈ انڈسٹریز” اور ایران کے "مشہد چیمبر آف کامرس اینڈ انڈسٹریز "کی اعلیٰ سطحی ملاقات میں مفاہمتی یادداشت پر دستخط ہوگئے۔

پاک ایران دو طرفہ تجارتی حجم میں اضافہ، مالی سال 2023-24ء میں تجارتی حجم 2.8 ارب ڈالر تک پہنچ گیا۔ دونوں ممالک کے درمیان دو طرفہ تجارت کو 10 ارب ڈالر تک بڑھانے کا ہدف مقرر ہے۔

ایس آئی ایف سی کی کاوشوں کی بدولت عالمی برادری کا پاکستان کے ساتھ تجارت و کاروبار کے لیے اعتماد بحال ہورہا ہے، ایس آئی ایف سی کی معاونت سے دونوں ممالک کا کاروباری روابط کے فروغ کے لیے مشترکہ اقدامات جاری رکھنے پر زور دیا گیا۔