رمضان المبارک؛ کراچی سمیت سندھ کے اسکولز و کالجز میں تدریسی اوقات کار تبدیل

کراچی سمیت سندھ کے اسکولز و کالجز میں رمضان کے دوران تدریسی اوقات کار تبدیل کردئیے گئے ہیں۔

نئے تدریسی اوقات کار کے مطابق اسکولوں میں صبح کی پہلی شفٹ ساڑھے 7 بجے سے 11 بجے تک ہوگی۔

دوسری شفٹ 11 بج کر 15 منٹ سے 2 بج کر 45 منٹ تک ہوگی، جمعۃ المبارک کے دن تدریسی عمل ایک بج کر 15 منٹ تک جاری رہے گا۔

کالجز میں مارننگ شفٹ صبح ساڑھے 8 بجے سے دن 12 بجے تک جاری رہے گی، رمضان کے دوران ایوننگ شفٹ کے اوقات ڈھائی بجے سے شام 5 بجے تک ہونگے۔

واضح رہے کہ اوقات کارکا اطلاق سرکاری و نجی اسکولز و کالجز پر ہوگا۔