پاکستانی ایئرلائن فلائی جناح میں سفر کرنے والوں کیلئے اہم خبر

پاکستانی ایئرلائن فلائی جناح میں سفر کرنے والوں کیلئے اہم خبر آگئی ہے۔

پاکستان کی بجٹ ایئرلائن فلائی جناح نے سعودی عرب میں اپنی خدمات کو مزید وسعت دیتے ہوئے ریاض اور اسلام آباد کے درمیان روزانہ نان اسٹاپ پروازوں کا اعلان کر دیا ہے۔

یہ نئی سروس 30 مارچ 2023 سے شروع ہوگی، جس سے دونوں ممالک کے درمیان سفری رابطے کو مزید بہتر بنانے میں مدد ملے گی۔

فلائی جناح کی یہ نئی پروازیں اسلام آباد انٹرنیشنل ایئرپورٹ اور ریاض کے کنگ خالد انٹرنیشنل ایئرپورٹ کو جوڑیں گی۔ اس اقدام سے نہ صرف فلائی جناح کی سعودی عرب میں موجودگی کو تقویت ملے گی، بلکہ دونوں ممالک کے درمیان بڑھتی ہوئی سفری مانگ کو پورا کرنے میں بھی مدد ملے گی۔

یہ نئی سروس فلائی جناح کی سعودی عرب میں توسیع کی کوششوں کا حصہ ہے۔ ایئرلائن نے حال ہی میں لاہور سے سعودی عرب کے تین اہم شہروں، دمام، ریاض اور جدہ کے درمیان نان اسٹاپ پروازیں شروع کی تھیں۔

 ریاض اور اسلام آباد کے درمیان نئے روٹ کے ساتھ، فلائی جناح نے سعودی عرب اور پاکستان کے درمیان رابطے کو مزید مضبوط بنانے کی کوشش کی ہے۔

فلائی جناح، پاکستان کے لکسن گروپ اور شارجہ کے ایئر عربیہ گروپ کے درمیان ایک مشترکہ منصوبہ ہے، جسے اکتوبر 2023 میں بین الاقوامی روٹس پر کام کرنے کی اجازت ملی تھی۔ تب سے، ایئرلائن نے پاکستان اور خلیجی تعاون کونسل (جی سی سی) ممالک کے درمیان پروازوں کی تعداد میں تیزی سے اضافہ کیا ہے۔