گووندا کی اہلیہ نے طلاق کی خبروں پر خاموشی توڑ دی

بالی ووڈ فلم انڈسٹری کے معروف اداکار گووندا کی اہلیہ سنیتا آہوجا نے طلاق کی خبروں پر خاموشی توڑ دی ہے۔

چند روز قبل سوشل میڈیا پر یہ خبریں زیرِ گردش تھیں کہ گووندا اور سنیتا آہوجا کے درمیان طلاق ہورہی ہے، تاہم اب خود سنیتا نے اِن تمام افواہوں کی تردید کرتے ہوئے انہیں مسترد کردیا۔

اس سے قبل سنیتا اپنی ویڈیو میں گووندا سے علیحدہ رہنے کا انکشاف کرچکی ہیں جس میں ان کا بتانا تھا کہ ہمارا فلیٹ اور ایک بنگلو آمنے سامنے ہی ہیں، فلیٹ میں میرا مندر ہے اور میں بچوں کے ساتھ رہتی ہوں جبکہ گووندا بنگلو میں رہتے ہیں۔

اب حال ہی میں شوہر سے علیحدہ رہنے کے بیان پر سنیتا آہوجا نے وضاحت دیتے ہوئے بتایا کہ گووندا سے الگ رہنے سے متعلق بیان کا مطلب یہ تھا کہ جب گووندا نے سیاست میں قدم رکھا تو سارے پارلیمنٹیرین  گھر میں آنے لگے، اس وقت میری بیٹی جوان ہورہی تھی، میں اور میری بیٹی شارٹس پہن کر گھومتے ہیں اس لیے ہم نے سامنے آفس لے لیا تھا۔

 

View this post on Instagram

 

A post shared by Laughing Cavalier (@buzzzieword)

ان کا کہنا تھا کہ مجھے اور گووندا کو اس دنیا میں الگ کرنے والا کوئی مائی کا لال ہے تو سامنے آجائے۔

واضح رہے کہ گووندا اور سنیتا کی شادی کو 37 سال ہوچکے ہیں جبکہ جوڑے کا ایک بیٹا اور ایک بیٹی ہے۔