اداکارہ ودیا بالن بھی ڈیپ فیک کا شکار

بالی ووڈ فلم انڈسٹری کی معروف اداکارہ ودیا بالن بھی ڈیپ فیک کا شکار ہوگئیں۔

حال ہی میں معروف اداکارہ ودیا بالن نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر جاری کردہ ایک بیان میں اپنی غیر اخلاقی وائرل ویڈیوز پر وضاحت دی۔

 

View this post on Instagram

 

A post shared by India Today (@indiatoday)

انہوں نے کہا کہ ان ویڈیوز کا ان سے کوئی تعلق نہیں اور وہ ان کے خیالات یا کام کی نمائندگی نہیں کرتیں۔

ان کا کہنا تھا کہ سوشل میڈیا اور واٹس ایپ پر کئی ویڈیوز گردش کر رہی ہیں، جو بظاہر مجھ سے منسلک لگتی ہیں، میں واضح کرنا چاہتی ہوں کہ یہ ویڈیوز AI-Generatedہیں اور حقیقت پر مبنی نہیں ہیں۔

ودیا بالن نے کہا کہ میرا ان ویڈیوز کے بنانے یا پھیلانے میں کوئی ہاتھ نہیں ہے اور نہ ہی میں ان کے مواد کی حمایت کرتی ہوں، جو بھی ان ویڈیوز میں کہا گیا ہے وہ میرے خیالات کی عکاسی نہیں کرتا۔

اداکارہ کا کہنا تھا کہ میں سب سے درخواست کرتی ہوں کہ کسی بھی مواد کو شیئر کرنے سے پہلے اس کی تصدیق کریں اور گمراہ کن اے آئی مواد سے محتاط رہیں۔

واضح رہے کہ اس سے قبل اداکارہ رشمیکا مندنا، عالیہ بھٹ، دپیکا پڈوکون، کترینہ کیف سمیت دیگر شخصیات ڈیپ فیک کا شکار ہوچکی ہیں۔