یوٹیوبر رجب بٹ کیخلاف ایک اور مقدمہ درج

لاہور: یوٹیوبر رجب بٹ سمیت 7 دیگر افراد کے خلاف ہراسانی اور دھمکیاں دینے سے متعلق مقدمہ درج کر لیا گیا۔

رپورٹ کے مطابق معروف مواد تخلیق کار رجب بٹ اور انکے سات ساتھیوں پر مبینہ طور پر ٹک ٹاک پر دھمکیاں دینے اور اسلحہ سے لیس ایک شہری کی رہائش گاہ پر پیش ہونے کا الزام عائد کیا گیا ہے۔

یہ مقدمہ سوشل میڈیا انفلوئنسر عمر فیاض کی شکایت پر درج کیا گیا تھا جس میں کہا گیا تھا کہ رجب بٹ، مان ڈوگر اور حیدر شاہ متعدد افراد کے ساتھ انکے گھر آئے اور انہیں دھمکیاں دیں۔

مزید پڑھیں:یوٹیوبر رجب بٹ کے خلاف بڑی کارروائی کا امکان، مگر کیوں؟

مان ڈوگر نے مبینہ طور پر ٹک ٹاک لائیو سیشن کے دوران نازیبا زبان کا استعمال کیا اور عمر کو دھمکیاں دیں، اس عمل کو فیاض نے اپنے وقار کی خلاف ورزی قرار دیا۔

خیال رہے کہ یہ پہلا موقع نہیں ہے رجب بٹ کو قانونی مسائل کا سامنا آئے دن رہتا ہے۔ ان پر کراچی میں نماز کی توہین اور مذہبی جذبات بھڑکانے والے مواد کے الزامات کا بھی سامنا کرنا پڑا ہے۔ عدالت نے دلائل مکمل ہونے کے بعد پولیس کو مناسب کارروائی کرنے کی ہدایت دی ہے۔