رمضان المبارک؛ مزید بارشیں ہوں گی یا نہیں؟ محکمہ موسمیات کی نئی پیشگوئی

محکمہ موسمیات نے رمضان المبارک میں مزید بارشوں کے حوالے سے نئی پیشگوئی کر دی ہے۔

ڈپٹی ڈائریکٹر محکمہ موسمیات ڈاکٹر عرفان ورک نے نجی ٹی وی چینل سے گفتگو کرتے ہوئے کہا ہے کہ وفاقی دارالحکومت اور راولپنڈی میں وقفے وقفے سے بارش کا سلسلہ جاری ہے، بارشوں کا موجودہ سلسلہ آج رات تک جاری رہے گا، رواں ہفتہ مزید بارشوں کا امکان نہیں۔

محکمہ موسمیات کے مطابق جڑواں شہروں میں سب سے زیادہ بارش 24 ملی میٹر گولڑہ کے مقام پر ریکارڈ کی گئی۔

 اسلام آباد، راولپنڈی اور گرد و نواح میں وقفے وقفے سے بارش کے سلسلے کے باعث موسم سرد ہوگیا ہے۔ جبکہ ملک کے بالائی علاقوں میں بارشوں اور پہاڑوں پر برفباری کا سلسلہ بھی جاری ہے۔