معروف بالی ووڈ جوڑی کے درمیان علیحدگی ہوگئی

معروف بالی ووڈ جوڑی تمنا بھاٹیا اور وجے ورما کے درمیان علیحدگی ہوگئی۔

بھارتی میڈیا کے مطابق بالی ووڈ کی معروف جوڑی اداکارہ تمنا بھاٹیا اور اداکار وجے ورما نے چند ہفتے قبل باہمی رضا مندی سے علیحدگی اختیار کر لی جبکہ دوستانہ بندھن برقرار رکھنے کا فیصلہ کیا۔

اس جوڑی سے منسلک ذرائع نے تصدیق کی ہے کہ تمنا اور وجے میں علیحدگی ہو گئی ہے اور یہ جوڑی اب صرف اچھے دوست ہیں۔

یاد رہے کہ تمنا بھاٹیا اور وجے ورما نے 2022 میں ایک دوسرے کے ساتھ تعلقات میں ہونے کی تصدیق کی تھی۔

اس جوڑی کو پہلی بار ایک ساتھ بھارتی گلوکار دلجیت دوسانجھ کے کانسرٹ میں دیکھا گیا تھا۔