صدر مملکت نے اسلام آباد لوکل گورنمنٹ آرڈیننس پر دستخط کردیے

صدر مملکت آصف علی زرداری نے اسلام آباد لوکل گورنمنٹ آرڈیننس پر دستخط کر دیے، جس کے ساتھ ہی آرڈیننس جاری کر دیا گیا۔

آرڈیننس کے تحت اسلام آباد میں میٹرو پولیٹن کارپوریشن کی جگہ ٹاؤن کارپوریشنز قائم کی جائیں گی۔ قومی اسمبلی کے تین حلقوں کی سطح پر تین ٹاؤن کارپوریشنز بنائی جائیں گی۔

آرڈیننس کے مطابق ہر ٹاؤن کارپوریشن میں ایک میئر اور دو ڈپٹی میئرز ہوں گے۔ ہر ٹاؤن کارپوریشن میں یونین کونسلز کی تعداد کا تعین وفاقی حکومت کرے گی۔

مزید بتایا گیا ہے کہ ہر یونین کونسل 9 جنرل کونسلرز اور 4 مخصوص نشستوں پر مشتمل ہو گی۔ آرڈیننس کے تحت اسلام آباد کی کارپوریشنز کی مدت چار سال ہو گی۔