مریم نواز کے بیٹے جنید صفدر کے ولیمے کا کارڈ وائرل، تاریخ سامنے آ گئی

سابق وزیرِ اعظم میاں نواز شریف کے نواسے اور وزیرِ اعلیٰ پنجاب مریم نواز کے صاحبزادے جنید صفدر کے ولیمے کا دعوت نامہ سوشل میڈیا پر وائرل ہو گیا ہے، جس کے بعد عوام میں مختلف قیاس آرائیاں گردش کر رہی ہیں۔

وائرل کارڈ کے مطابق جنید صفدر کی ولیمے کی تقریب 18 جنوری کو منعقد ہوگی۔ ذرائع کا کہنا ہے کہ یہ جنید صفدر کی دوسری شادی ہے اور شادی سابق وفاقی وزیر شیخ روحیل اصغر کی پوتی سے طے پائی ہے۔

تاہم اس حوالے سے ابھی تک شریف خاندان یا وزیرِ اعلیٰ پنجاب مریم نواز کی جانب سے کوئی باضابطہ اعلان یا تصدیق سامنے نہیں آئی۔ اسی وجہ سے سوشل میڈیا پر وائرل ہونے والے کارڈ کی صداقت پر بھی سوالات اٹھائے جا رہے ہیں۔

واضح رہے کہ جنید صفدر کی نجی زندگی ماضی میں بھی عوام کی توجہ کا مرکز رہی ہے۔ موجودہ معاملے کی حتمی صورتحال تب ہی واضح ہو سکے گی جب شریف خاندان باضابطہ مؤقف پیش کرے گا۔