پاکستان کیلئے بڑی خوشخبری: بڑے گیس کے ذخائر دریافت

 (26 جنوری 2026): پاکستانی معیشت کے لیے بڑی خوشخبری ہے کہ گیس کے بڑے ذخائر بلوچستان میں دریافت کیے گئے ہیں۔

تفصیلات کے مطابق یہ ذخائر کلچاس ساؤتھ بلاک میں دریافت ہوئے، جہاں ماری انرجیز کی تِبری ون کنویں نے گیس کی موجودگی کی تصدیق کی ہے۔

کمپنی کے اعلامیے کے مطابق تِبری ون کنواں ضلع بارکھان میں کھودا گیا۔ ابتدائی ٹیسٹ میں کنویں سے 11 ایم ایم ایس سی ایف ڈی گیس فلو رپورٹ ہوئی، جبکہ ویل ہیڈ فلوئنگ پریشر 561 پی ایس آئی ریکارڈ کیا گیا۔

ماری انرجیز نے اس دریافت کی اطلاع اسٹاک مارکیٹ کو بھی دے دی ہے۔ کمپنی کا کہنا ہے کہ مزید ٹیسٹنگ جاری ہے تاکہ گیس کی مکمل پیداواری صلاحیت کا تعین کیا جا سکے۔

مزید برآں، ماری انرجیز نے اعلان کیا ہے کہ وہ ملکی ہائیڈرو کاربن وسائل کی تلاش جاری رکھے گی تاکہ پاکستان میں توانائی کے شعبے کو مزید مستحکم کیا جا سکے۔