دل کا دورہ پڑنے سے 48 گھنٹے پہلے ظاہر ہونے والی وہ خاموش علامات جنہیں ہرگز نظر انداز نہیں کرنا چاہیے!! آپ بھی جانیے اور محفوظ رہیے

ماہرین امراضِ قلب نے خبردار کیا ہے کہ دل کا دورہ ہمیشہ اچانک نہیں آتا۔ جسم اکثر پہلے ہی خطرے کے ابتدائی اشارے دینا شروع کر دیتا ہے۔

 بھارتی کارڈیالوجسٹ ڈاکٹر روی پرکاش کے مطابق زیادہ تر مریض بڑے کارڈیک ایونٹ سے 24 سے 48 گھنٹے پہلے علامات محسوس کرتے ہیں۔ اس اہم مرحلے کو پروڈرومل ونڈو کہا جاتا ہے، جو دل کے دورے سے بچاؤ میں مددگار ثابت ہو سکتا ہے۔

کارڈیالوجسٹ کے مطابق دل کی پمپنگ متاثر ہونے لگتی ہے اور اگر مریض بروقت طبی امداد حاصل کریں تو بڑا نقصان روکا جا سکتا ہے۔

نمایاں علامات

غیر معمولی تھکن: معمولی کام یا مختصر فاصلہ طے کرنے کے بعد شدید تھکن محسوس ہونا۔ یہ عام تھکن نہیں بلکہ دل کی کمزور پمپنگ کی وجہ سے جسم کو توانائی کی کمی کا سامنا ہوتا ہے۔

سینے میں دباؤ یا جکڑن: سینے میں دباؤ، بھاری پن، جکڑن یا جلنے جیسا احساس ہو سکتا ہے۔ یہ اکثر آرام کے بعد کم ہو جاتا ہے، لیکن بہت سے لوگ اسے گیس یا پٹھوں کی تکلیف سمجھ کر نظر انداز کر دیتے ہیں۔

سانس لینے میں دشواری: بغیر جسمانی مشقت کے سانس پھولنا، حتیٰ کہ لیٹے ہوئے بھی سانس لینے میں مشکل ہونا۔

درد کا دوسرے حصوں میں پھیلنا: بازو، کندھے، گردن، جبڑے، کمر یا اوپری پیٹ تک درد کا پھیل جانا۔ یہ علامات خواتین، بزرگ اور ذیابیطس کے مریضوں میں زیادہ دیکھی جاتی ہیں۔

پسینہ آنا، متلی اور بےچینی: ٹھنڈا پسینہ، چکر آنا، متلی، ہلکی سرخی اور غیر واضح گھبراہٹ ہونا۔ کئی مریض کہتے ہیں کہ ‘کچھ ٹھیک نہیں ہے’، یہ احساس کبھی نظر انداز نہیں کرنا چاہیے۔

ماہرین کا مشورہ

کارڈیالوجسٹ کا کہنا ہے کہ اگر یہ علامات ایک ساتھ ظاہر ہوں، خصوصاً ان افراد میں جنہیں ذیابیطس، ہائی بلڈ پریشر یا دل کی بیماری کی فیملی ہسٹری ہو، تو فوری طور پر ڈاکٹر سے رجوع کریں۔ وقت ضائع کرنا دل کے پٹھے ضائع کرنے کے مترادف ہے۔