بنوں میں تھانے کے قریب دھماکا، 2 افراد جاں بحق جبکہ متعدد زخمی

بنوں: شہر کے نورڑ تھانا میریان کے گیٹ کے قریب ایک شدید دھماکے میں دو افراد جاں بحق اور 12 سے زائد زخمی ہو گئے ہیں۔

مقامی پولیس کے مطابق دھماکا خیز مواد ایک موٹر سائیکل میں نصب کیا گیا تھا، جو اچانک پھٹ گیا۔

پولیس نے زخمیوں کو فوری طور پر مقامی اسپتال منتقل کر دیا ہے جہاں ان کا علاج جاری ہے۔ دھماکے کے مقام پر موجود موٹر سائیکل کو تحویل میں لے کر تفتیش کا عمل شروع کر دیا گیا ہے۔

حکام کا کہنا ہے کہ دھماکے کی نوعیت اور ذمہ داروں کے بارے میں ابتدائی تحقیقات جاری ہیں۔