رمضان کے آغاز میں ہی ملازمین کے الاؤنسز سے متعلق بڑی خوشخبری آگئی

پنجاب اوقاف بورڈ کے حالیہ اجلاس میں مستقل اور کنٹریکٹ ملازمین کے لیے اہم فیصلے کیے گئے۔

 صوبائی وزیر چوہدری شافع حسین کی زیرصدارت اجلاس میں ڈائریکٹر فنانس کی آسامی بحال کرنے اور ڈائریکٹر ایگری کلچر لیز اینڈ ڈویلپمنٹ کی نئی پوسٹ تخلیق کرنے کی منظوری دی گئی۔ ساتھ ہی اوقاف کے ایڈمنسٹریٹرز کی گریڈ 18 کی آسامیوں پر بھرتیوں کی بھی منظوری دی گئی۔

اجلاس میں فیصلہ کیا گیا کہ اوقاف آرگنائزیشن کے ملازمین کو 20 فیصد اضافی الاؤنس دیا جائے گا، جبکہ کنٹریکٹ ملازمین کی مدت ملازمت میں توسیع بھی منظور کر دی گئی ہے۔ اس اقدام سے ملازمین کی مالی معاونت اور حوصلہ افزائی بڑھے گی۔

اس کے علاوہ جامعہ ہجویریہ کے طلبہ کو جدید علوم کی تعلیم فراہم کرنے کے لیے پنجاب یونیورسٹی، یو ایم ٹی اور لمس کے ساتھ معاہدوں کی منظوری دی گئی، تاکہ طلبہ جدید تعلیمی معیار کے مطابق تربیت حاصل کر سکیں۔