وزیر اعظم نے ٹرمپ کو جنوبی ایشیاء کا محسن قرار دے دیا

واشنگٹن میں امن بورڈ کے افتتاحی اجلاس سے خطاب کرتے ہوئے وزیر اعظم محمد شہباز شریف نے امریکی صدر ڈونلڈ ٹرمپ کی بھرپور تعریف کرتے ہوئے انہیں جنوبی ایشیاء کا محسن قرار دیا۔

انہوں نے کہا کہ صدر ٹرمپ کی جرات مندانہ سفارت کاری نے دنیا کے کئی سنگین تنازعات میں کشیدگی کم کی اور پاک بھارت جنگ بندی کے لیے ان کی بروقت اور مؤثر مداخلت نے ممکنہ تباہ کن جنگ کو روک دیا۔

یہ بھی پڑھیں : وزیر اعظم کی تعریف، فیلڈ مارشل بہترین سپہ سالار ہیں : ٹرمپ

وزیراعظم نے اپنے خطاب میں کہا کہ اگر اس وقت مداخلت نہ کی جاتی تو کروڑوں جانوں کے ضیاع کا خطرہ تھا، لیکن صدر ٹرمپ نے حقیقی معنوں میں امن کے داعی ہونے کا ثبوت دیا۔ جنوبی ایشیا ایک بڑے بحران سے بچ گیا اور خطے میں استحکام کی فضا قائم ہوئی۔