پاکستان علماء کونسل کی ایران پر حملے کی شدید مذمت

پاکستان علماء کونسل نے ایران پر اسرائیل اور امریکہ کے حالیہ حملے کی شدید مذمت کی ہے۔ چیئرمین علامہ طاہر اشرفی نے کہا کہ گریٹر اسرائیل کے منصوبے کے لیے اسرائیل اور امریکہ کو استعمال کیا جا رہا ہے۔

انہوں نے واضح کیا کہ پاکستان کے اسلامی کردار کو محدود کرنے کے لیے افغانستان کے راستے سے حملہ کروایا گیا۔ علامہ طاہر اشرفی نے مزید کہا کہ مودی اور نیتن یاہو کے اتحاد کے پیچھے افغان عبوری حکومت کا بھی کردار ہے۔

چیئرمین علماء کونسل نے بین الاقوامی برادری سے مطالبہ کیا کہ وہ فوری طور پر اس حملے کی تحقیقات کرے اور ایران کے خلاف جارحیت کو روکے تاکہ مزید انسانی نقصان سے بچا جا سکے۔