ایرانی سپریم لیڈر کی شہادت پر وزیراعظم کااظہار افسوس

وزیراعظم شہبازشریف نے ایرانی سپریم لیڈر کی شہادت پر اظہار افسوس کرتے ہوئے کہا کہ حکومت اور پاکستان کے عوام ایرانی عوام کے غم اور دکھ میں  ساتھ کھڑے ہیں۔

 وزیراعظم شہبازشریف نے اپنے بیان میں کہا کہ آیت اللہ خامنہ ای کی شہادت پر تعزیت اور ہمدردی کااظہار کرتے ہیں، پاکستان بین الاقوامی قانون کے اصولوں کی خلاف ورزی پر بھی تشویش کااظہارکرتاہے۔

انہوں نے کہا کہ قدیم بین الاقوامی روایت ہے کہ سربراہان مملکت کو نشانہ نہیں بنایاجانا چاہیے، سپریم  لیڈرآیت اللہ خامنہ ای مرحوم کی مغفرت کے لیے دعاگوہیں۔

وزیراعظم شہبازشریف نے کہا کہ اللہ ایرانی عوام کو ناقابل تلافی نقصان برداشت کرنے کے لیے صبر اور حوصلہ دے۔

 دوسری جانب امریکی و اسرائیلی حملے میں ایران کے سپریم لیڈر آیت اللہ خامنہ ای کی شہادت کے باعث وزیراعظم شہباز شریف نے روس کا دورہ ملتوی کردیا ہے۔