محنت کش اب مریم نواز راشن کارڈ کے بغیر بھی رمضان میں دس ہزا روپے حاصل کر سکتے ہیں لیکن کیسے؟ آسان طریقہ جانیں

وزیراعلیٰ پنجاب مریم نواز کی جانب سے ماہ رمضان میں محنت کشوں کے لیے مالی امداد کا اعلان کیا گیا ہے۔

 اس اسکیم کے تحت وہ مزدور بھی دس ہزار روپے حاصل کر سکتے ہیں جو راشن کارڈ نہیں رکھتے لیکن سوشل سکیورٹی میں رجسٹرڈ ہیں۔ حکومت کا مقصد یہ ہے کہ زیادہ سے زیادہ مستحق افراد کو ریلیف دیا جا سکے تاکہ وہ رمضان کے مہینے میں اپنے گھر کے اخراجات بہتر انداز میں پورے کر سکیں۔

بینک آف پنجاب نے رقم کی ادائیگی کا باقاعدہ طریقہ کار جاری کر دیا ہے۔ مستحق محنت کشوں کو موبائل فون پر چھ ہندسوں کا ایک خفیہ پن کوڈ بھیجا گیا ہے۔ یہ پن کوڈ رقم وصول کرنے کے لیے ضروری ہوگا۔ مزدور حضرات کو ہدایت کی گئی ہے کہ وہ اپنا اصل شناختی کارڈ اور موصول ہونے والا پن کوڈ اپنے ساتھ رکھیں۔

رقم حاصل کرنے کے لیے قریبی ایلفا پے، ایچ بی ایل کنیکٹ یا یو بی ایل اومنی کے مجاز ایجنٹ سے رابطہ کیا جا سکتا ہے۔ ایجنٹ کو پن کوڈ فراہم کرنے کے بعد بائیو میٹرک تصدیق کی جائے گی۔ تصدیق مکمل ہوتے ہی دس ہزار روپے فوری طور پر ادا کر دیے جائیں گے۔ حکام نے واضح کیا ہے کہ اس رقم پر کسی قسم کی کٹوتی نہیں کی جائے گی اور مکمل دس ہزار روپے ہی دیے جائیں گے۔