موٹرسائیکل سوار خبردار؛ انتہائی اہم فیصلہ ہوگیا

سی ٹی او لاہور نے موٹرسائیکل سواروں کی حفاظت کے لیے اہم فیصلہ کیا ہے۔

فیصلے کے مطابق لاہور میں بائیک رائیڈ سروسز پر ڈبل سواری کے دوران دونوں افراد کے لیے ہیلمٹ پہننا لازمی ہوگا۔ یہ اقدام ٹریفک حادثات میں کمی اور شہریوں کی جان کے تحفظ کے لیے کیا گیا ہے۔

سی ٹی او نے رائیڈ ہیلنگ کمپنیوں کو ہدایت دی ہے کہ وہ اپنی بائیک سروسز میں اضافی ہیلمٹ فراہم کریں۔ کمپنیوں کو کہا گیا ہے کہ ہر موٹرسائیکل پر سوار مسافر کے لیے ہیلمٹ موجود ہو۔ اس بات کو یقینی بنایا جائے کہ کسی بھی صورت میں بغیر ہیلمٹ ڈبل سواری نہ ہو۔

اتھارٹی کی جانب سے واضح کیا گیا ہے کہ ہیلمٹ کے بغیر ڈبل سواری پر پابندی ہوگی۔ اگر کوئی شخص یا کمپنی اس حکم کی خلاف ورزی کرے گی تو اس کے خلاف سخت کارروائی کی جائے گی۔ ٹریفک پولیس کو بھی ہدایات جاری کر دی گئی ہیں کہ وہ اس فیصلے پر مکمل عملدرآمد یقینی بنائیں۔