مقبوضہ علاقوں کے آسمان پر ایرانی میزائلوں کا راج ہے، پاسدارانِ انقلاب

ایرانی پاسدارانِ انقلاب کی ایروسپیس فورس کے کمانڈر نے اعلان کیا ہے کہ مقبوضہ علاقوں کی فضاؤں پر اب ایران کا مکمل غلبہ قائم ہو چکا ہے۔

ایرانی پاسدارانِ انقلاب کی ایروسپیس فورس کے سربراہ سید ماجد موسوی نے ایک انتہائی پر اعتماد بیان جاری کرتے ہوئے کہا ہے کہ آج کے بعد اسرائیل کے مقبوضہ علاقوں پر ایران کے بیٹوں کا غلبہ قائم ہو چکا ہے۔

انہوں نے دعویٰ کیا کہ اسرائیل کے وہ تمام علاقے جن پر اس نے قبضہ کر رکھا ہے، ان کے آسمان پر اب ایرانی میزائلوں کا راج ہے۔

یہ بھی پڑھیں : ڈیمونا پر حملہ ایران کے منظم کمانڈ سسٹم کا ثبوت ہے، ماہرین

کمانڈر موسوی کا کہنا تھا کہ ایران کی نئی جنگی حکمت عملی اور جدید لانچنگ سسٹم دیکھ کر امریکی اور صیہونی کمانڈر حیران رہ جائیں گے۔

انہوں نے مزید اعلان کیا کہ آج رات مقبوضہ علاقوں کا جنوبی حصہ کئی گھنٹوں تک ایرانی میزائلوں کی روشنی سے چمکتا رہے گا، جس کا مقصد دشمن کے دلوں میں خوف پیدا کرنا ہے۔

خاتم الانبیاء ہیڈکوارٹر کے ترجمان نے بھی تصدیق کی ہے کہ ایران اب زیادہ جدید ہتھیاروں کے ساتھ میدانِ جنگ میں داخل ہو چکا ہے اور دشمن کے لیے زمین تنگ کر دی جائے گی۔