حکومت نے اچانک عام تعطیل کا اعلان کردیا؛ نوٹیفکیشن جاری

سندھ حکومت نے 4 اپریل کو سابق وزیر اعظم ذوالفقار علی بھٹو کی برسی کے موقع پر صوبے بھر میں عام تعطیل کا اعلان کر دیا ہے۔

  اس حوالے سے باقاعدہ نوٹیفکیشن بھی جاری کر دیا گیا ہے، جس کے مطابق اس دن تمام سرکاری دفاتر، تعلیمی ادارے اور دیگر سرکاری تنظیمیں بند رہیں گی۔ حکومت کا کہنا ہے کہ یہ تعطیل ایک اہم قومی رہنما کی خدمات کو یاد کرنے کے لیے دی جا رہی ہے۔

حکام کے مطابق 4 اپریل کو صوبے کے مختلف شہروں میں تقریبات منعقد ہوں گی۔ ان میں سیاسی اجتماعات، مشاعرے اور یادگاری پروگرام شامل ہوں گے۔ ان تقریبات کا مقصد ذوالفقار علی بھٹو کی سیاسی اور قومی خدمات کو اجاگر کرنا ہے۔