کراچی میں موسلا دھار بارشیں، تاریخی ریکارڈ ٹوٹ گیا

کراچی: شہر قائد میں موسلا دھار بارش نے 38 سال پرانا ریکارڈ توڑ دیا۔

محکمہ موسمیات کے مطابق کراچی میں گزشتہ 24 گھنٹوں کے دوران 38.7 ملی میٹر بارش ریکارڈ کی گئی، جو ایک نیا ریکارڈ ہے۔

اس سے قبل 2 اپریل 1985 کو 37.0 ملی میٹر بارش ریکارڈ کی گئی تھی، جو اب ٹوٹ چکا ہے۔

محکمہ موسمیات کا کہنا ہے کہ حالیہ بارش مغربی ہواؤں کے طاقتور سسٹم کے باعث ہوئی، جس نے شہر کے موسم کو خوشگوار بنا دیا، تاہم کئی علاقوں میں پانی جمع ہونے کی اطلاعات بھی موصول ہوئیں۔

ماہرین کے مطابق اپریل کے آغاز میں اس نوعیت کی بارش غیر معمولی ہے، جبکہ شہریوں کو احتیاط برتنے اور غیر ضروری سفر سے گریز کی ہدایت کی گئی ہے۔