گاڑی مالکان کی بڑی مشکل آسان ہوگئی!! گھر بیٹھے ای رجسٹریشن کارڈ کیسے حاصل کریں؟ مکمل طریقہ جان لیں

پنجاب حکومت کے محکمہ ایکسائز اینڈ ٹیکسیشن نے شہریوں کی سہولت کے لیے نیا ڈیجیٹل نظام متعارف کروا دیا ہے۔ اس اقدام کے تحت گاڑی مالکان کے لیے “ای رجسٹریشن کارڈ” جاری کیا گیا ہے، جس سے روایتی کاغذی کارڈ کی ضرورت کم ہو گئی ہے۔

محکمے کے مطابق اس نئے نظام کا مقصد خدمات کو تیز، شفاف اور جدید بنانا ہے۔ اب شہری گھر بیٹھے ہی اپنی گاڑی کا رجسٹریشن کارڈ آن لائن حاصل کر سکیں گے۔ اس سے دفاتر کے چکر لگانے اور لمبی قطاروں سے نجات ملے گی۔

حکام کا کہنا ہے کہ یہ ای رجسٹریشن کارڈ جسمانی کارڈ کا متبادل ہوگا اور اسے ٹریفک پولیس یا دیگر سیکیورٹی اداروں کو دکھایا جا سکتا ہے۔ اس سے نہ صرف وقت کی بچت ہوگی بلکہ نظام کو بھی پیپر لیس بنانے میں مدد ملے گی۔

کارڈ حاصل کرنے کا طریقہ بھی آسان رکھا گیا ہے۔ شہری کو صرف گاڑی کا رجسٹریشن نمبر اور چیسس نمبر فراہم کرنا ہوگا۔ اس کے بعد سسٹم سے تصدیق کے بعد ڈیجیٹل کارڈ فوری طور پر دستیاب ہو جائے گا۔

محکمہ ایکسائز کے مطابق شہری اس کارڈ کو ان کی آفیشل ویب سائٹ سے ڈاؤن لوڈ کر سکتے ہیں۔ ویب سائٹ پر “سروسز” کے سیکشن میں جا کر ای رجسٹریشن کارڈ کا آپشن منتخب کرنا ہوگا۔ مطلوبہ معلومات درج کرنے کے بعد کارڈ اسکرین پر ظاہر ہو جائے گا جسے محفوظ کیا جا سکتا ہے۔