سرکاری نوکری کے خواہشمند افراد کیلئے بڑی خوشخبری

وفاقی تحقیقاتی ادارے (ایف آئی اے) نے ملک بھر کے نوجوانوں کے لیے بڑی بھرتی کا اعلان کیا ہے۔ ادارے میں مختلف شعبوں کی 1394 خالی آسامیوں پر درخواستیں طلب کی گئی ہیں۔

ایف آئی اے حکام کے مطابق یہ بھرتیاں ان امیدواروں کے لیے ہیں جو ایک مضبوط اور پیشہ ور قانون نافذ کرنے والے ادارے کا حصہ بننا چاہتے ہیں۔ ان ملازمتوں کا مقصد جرائم کے خلاف مؤثر کارروائی کرنا، قومی سلامتی کو بہتر بنانا اور دیانت داری کے ساتھ خدمات انجام دینا ہے۔

دلچسپی رکھنے والے امیدوار آن لائن درخواست دے سکتے ہیں۔ اس کے لیے سرکاری ویب سائٹ www.npftas.pk

پر فارم جمع کروانا ہوگا۔ حکام نے واضح کیا ہے کہ درخواست جمع کروانے کی آخری تاریخ 4 مئی 2026 مقرر کی گئی ہے، اس کے بعد کوئی درخواست قبول نہیں کی جائے گی۔

ایف آئی اے ایک اہم ادارہ ہے جو ملک میں قانون کی عملداری کو یقینی بنانے کے لیے کام کرتا ہے۔ یہ ادارہ مختلف قسم کے سنگین جرائم کی تفتیش کرتا ہے اور قومی مفادات کا تحفظ بھی اس کی ذمہ داریوں میں شامل ہے۔