شہریوں کی موجیں؛ ملک بھر میں ایک ساتھ 3 چھٹیاں

وفاقی حکومت نے مزدوروں کے عالمی دن کے موقع پر یکم مئی کو ملک بھر میں عام تعطیل کا اعلان کر دیا ہے۔

اس حوالے سے باقاعدہ نوٹیفکیشن بھی جاری کر دیا گیا ہے، جس کے تحت سرکاری اور نجی دفاتر، تعلیمی ادارے، کاروباری مراکز اور دیگر سرگرمیاں بھی معطل رہیں گی۔ اس چھٹی کا مقصد مزدور طبقے کی خدمات کو تسلیم کرنا اور ان کے کردار کو خراج تحسین پیش کرنا ہے۔

اس سال یکم مئی جمعہ کے روز آ رہی ہے، جس کے باعث شہریوں کو مسلسل تین دن کی تعطیلات میسر ہوں گی۔ جمعہ کے بعد ہفتہ اور اتوار کی ہفتہ وار چھٹیاں بھی شامل ہوں گی، جس سے لوگوں کو آرام کا زیادہ وقت ملے گا۔

پاکستان میں ہر سال یوم مزدور باقاعدگی سے منایا جاتا ہے۔ اس دن مختلف تقاریب کا انعقاد کیا جاتا ہے، جن میں مزدوروں کے حقوق، ان کی فلاح اور بہتر کام کے حالات پر بات کی جاتی ہے۔