عید سے پہلے عید!!! تعطیلات سے متعلق بڑی خبر سامنے آگئی

ذوالحجہ کے چاند کی رویت سے متعلق ممکنہ تاریخوں پر ابتدائی اندازے سامنے آ گئے ہیں۔

 ماہرین کے مطابق اگر 17 مئی کو ذوالحجہ کا چاند نظر آ جاتا ہے تو اسلامی مہینہ 18 مئی سے شروع ہو جائے گا۔ اس صورت میں عیدالاضحیٰ 27 سے 29 مئی کے درمیان منائی جا سکتی ہے۔

ذرائع کے مطابق ذوالقعدہ کا مہینہ 19 اپریل 2026 سے شروع ہو چکا ہے۔ اب ذوالحجہ کے چاند کی رویت کے لیے رویت ہلال کمیٹی کا اجلاس 17 مئی 2026 کو متوقع ہے۔ اسی اجلاس میں چاند نظر آنے یا نہ آنے کا باضابطہ اعلان کیا جائے گا۔

اگر 17 مئی کو چاند نظر نہ آیا اور ماہ 30 دن کا مکمل ہوا تو ذوالحجہ کا آغاز ایک دن بعد ہوگا۔ ایسی صورت میں عیدالاضحیٰ 28 سے 30 مئی کے درمیان آنے کا امکان ہوگا۔ اس حساب سے عید کی تاریخیں بھی بدل سکتی ہیں۔

سرکاری کیلنڈر کے مطابق اس وقت عیدالاضحیٰ کی ممکنہ تعطیلات 27 سے 29 مئی (بدھ سے جمعہ) تک بتائی جا رہی ہیں۔ اگر ان تعطیلات کے ساتھ ہفتہ اور اتوار شامل ہو جائیں تو شہریوں کو پانچ دن کی طویل چھٹی مل سکتی ہے۔ بعض صورتوں میں یہ چھٹیاں چھ دن تک بھی بڑھ سکتی ہیں۔

ماہرین کے مطابق اگر ذوالحجہ کا آغاز 19 مئی سے ہوتا ہے تو عید کی تعطیلات 28 سے 30 مئی (جمعرات سے ہفتہ) تک ہو سکتی ہیں۔ اس صورت میں اتوار کی چھٹی شامل کر کے ایک لمبا ویک اینڈ بن سکتا ہے۔