شارع فیصل پر سفر کرنے والے موٹرسائیکل و گاڑی مالکان خبردار!!! اہم فیصلہ ہوگیا

کراچی میں ٹریفک کی روانی بہتر بنانے اور حادثات میں کمی لانے کے لیے شاہراہ فیصل پر نئی اسپیڈ لمٹ نافذ کر دی گئی ہے۔

ڈی آئی جی پی ٹریفک کراچی کے دفتر سے جاری نوٹیفکیشن کے مطابق ہیوی ٹرانسپورٹ کے لیے زیادہ سے زیادہ رفتار 30 کلومیٹر فی گھنٹہ مقرر کی گئی ہے۔ اس کے علاوہ کاروں اور موٹر سائیکلوں کے لیے رفتار کی حد 70 کلومیٹر فی گھنٹہ رکھی گئی ہے۔

ٹریفک پولیس نے شہریوں سے اپیل کی ہے کہ وہ نئی رفتار کی حد پر سختی سے عمل کریں تاکہ نہ صرف حادثات سے بچا جا سکے بلکہ جرمانوں سے بھی محفوظ رہا جا سکے۔

یاد رہے کہ گزشتہ سال بھی کراچی کی اہم شاہراہوں پر اسپیڈ لمٹس مقرر کی گئی تھیں۔ اس وقت شاہراہ فیصل پر کار اور جیپ کے لیے 60 کلومیٹر فی گھنٹہ جبکہ بس اور ٹرک کے لیے 30 کلومیٹر فی گھنٹہ حد مقرر تھی۔ موٹر سائیکل کے لیے بھی اسی طرح کی حد رفتار نافذ کی گئی تھی۔