ذوالحج 1447 ہجری کا چاند 17 مئی کو نظر آنے کا امکان ہے، اسپارکو

اسپارکو کا کہنا ہے کہ ذوالحج 1447 ہجری کا چاند 17 مئی کو نظر آنے کا امکان ہے۔

ذوالحج 1447 ہجری کے چاند کی متوقع رویت سے متعلق اسپارکو کی جانب سے کی گئی پیشگوئی کے مطابق نیا چاند 17 مئی کو رات ایک بج کر ایک منٹ پر پیدا ہونے کا امکان ہے، 17 مئی کی شام چاند کی عمر تقریباً 18 گھنٹے 30 منٹ ہوگی۔

اسپارکو ترجمان کا کہنا ہے کہ ساحلی علاقوں میں غروب آفتاب اور غروب ماہتاب کے درمیان 60 منٹ کا وقفہ متوقع ہے، یکم ذوالحج 18 مئی بروز پیر ہونے کا امکان ہے جبکہ عیدالاضحیٰ 27 مئی کو ہونے کی توقع ہے۔