امریکی فوج نے ایران میں دفاعی حملے مکمل کرلیے، سینٹ کام

امریکی سینٹرل کمانڈ کا کہنا ہے کہ امریکی فوج نے ایران میں دفاعی حملے مکمل کرلیے۔

 امریکا کی سینٹرل کمانڈ (سینٹکام) نے اعلان کیا ہے کہ ایران کے خلاف کی جانے والی دفاعی نوعیت کی فوجی کارروائیاں مکمل کر لی گئی ہیں۔ ان حملوں کا مقصد خطے میں موجود امریکی افواج اور بین الاقوامی تجارتی جہازوں کو درپیش ممکنہ خطرات کو کم کرنا تھا۔

سینٹکام کی جانب سے جاری بیان میں کہا گیا ہے کہ کارروائیوں کے دوران ایران کے بعض اہم فوجی اور تکنیکی اہداف کو نشانہ بنایا گیا۔ ان اہداف میں کمیونیکیشن سسٹمز، فضائی دفاعی تنصیبات اور نگرانی کے نظام شامل تھے۔

بیان کے مطابق ان آپریشنز میں امریکی میرین کور، فضائیہ اور بحریہ نے مشترکہ طور پر حصہ لیا۔ مختلف مقامات پر کیے گئے حملوں میں جدید ہتھیار اور فضائی صلاحیتیں استعمال کی گئیں۔ کارروائیاں مخصوص اہداف تک محدود رہیں اور ان کا مقصد صرف دفاعی خطرات کا خاتمہ تھا۔