سپلائی کی بحالی پر تشویش، عالمی مارکیٹ میں تیل کی قیمتوں میں اضافہ

امریکہ اور ایران کے معاہدے کی تفصیلات سامنے نہ آنے اور آبنائے ہرمز سے ایندھن کی سپلائی میں تاخیر کے خدشات کے باعث عالمی مارکیٹ میں تیل کی قیمتوں میں دوبارہ اضافہ ہو گیا ہے۔

عالمی منڈیوں میں اس بات پر تشویش بڑھ رہی ہے کہ آبنائے ہرمز کے ذریعے ایندھن کی فراہمی کو معمول پر لانے میں توقع سے زیادہ وقت لگ سکتا ہے، جس کی وجہ سے خام تیل کی قیمتیں بڑھ گئی ہیں۔

امریکہ اور ایران کے درمیان ہونے والے معاہدے کی مکمل تفصیلات کا نہ ہونا بھی مارکیٹ میں بے یقینی کا سبب بن رہا ہے۔

یہ بھی پڑھیں : ایران کو 300 ملین ڈالر کی ادائیگیوں کی رپورٹیں جھوٹی ہیں، ڈونلڈ ٹرمپ

اس صورتحال کے نتیجے میں برینٹ خام تیل کی قیمتوں میں 26 سینٹس یعنی 0.3 فیصد کا اضافہ ہوا ہے، جس کے بعد اس کی قیمت 83.42 ڈالر فی بیرل تک پہنچ گئی ہے۔

دوسری جانب، امریکی خام تیل ویسٹ ٹینساس انٹرمیڈیٹ کی قیمت بھی 46 سینٹس یعنی 0.3 فیصد بڑھ کر 81.12 ڈالر فی بیرل کی سطح پر پہنچ گئی ہے۔

مارکیٹ کے ماہرین سپلائی کی اس ممکنہ تاخیر کو قیمتوں میں اضافے کی بنیادی وجہ قرار دے رہے ہیں۔